الحب والدين والحزن… ماشي فالقلب، راه فالعقل والروح لا علاقة القلب بهذا نهائيًا.

شاشا بدر.جريدة البديل السياسي

اللي كيقول الحب راه فالقلب، والدين فالقلب، والحزن والاكتئاب حتى هو فالقلب…

راه بصراحة ما عارف والو. أنا اليوم كنكتب هاد الكلمات من واقع عشته، من تجارب شفتها، ومن تأملات فالحياة. القلب؟ القلب غير عضو كيدق…

كيتأثر، آه، ولكن ماشي هو اللي كيتخذ القرار، ماشي هو اللي كيخطط، ماشي هو اللي كيعقل. الحقيقة هي أن الحب كيتولد فالعقل، وكينمو فالعقل، وكيتربى فالعقل. والدين حتى هو ماشي شعور داخلي غامض، راه وعي، فكر، إيمان ناضج كيتحكم فيه العقل، وتتغدّى به الروح.

أما الحزن والاكتئاب؟ راه ماشي دمعة ولا وخزة فالقلب. راه عاصفة فالعقل، وظلام فالأفكار، وثقل فالنفس. اللي جرب الحزن الحقيقي، كيعرف أنه كيدمر التفكير، وكيوصل الإنسان ليفقد الإحساس بالحياة، وممكن يوصل حتى للانهيار، ماشي غير يقلق شوية. الناس اللي كيبسطو هاد الأمور، وكيقولو: براكة، دير الإيمان فقلبك، ولا حب من قلبك، ولا ما تحزنش، راك قوي… راهم ما فهموش المعنى الحقيقي ديال المشاعر ولا العقل البشري. أنا كنقولها وبكل وعي: الحب، الدين، الحزن، الفرح، كلهم يبداو من العقل، يتشكلو فالعقل، ويعيشو فالنفس. والقلب؟ راه غير ضيف…

كيتأثر، ولكن ماشي هو الأصل. خليونا نفيقو، نعرفو نفكرو، ونفهمو راسنا بعمق. الوعي هو اللي كينقذ الإنسان، ماشي الأوهام ديال القلب كلشي. الحب والدين والحزن… ماشي فالقلب، راه فالعقل والروح لا علاقة القلب بهذا نهائيًا شاشا بدر اللي كيقول الحب راه فالقلب، والدين فالقلب، والحزن والاكتئاب حتى هو فالقلب… راه بصراحة ما عارف والو.

أنا اليوم كنكتب هاد الكلمات من واقع عشته، من تجارب شفتها، ومن تأملات فالحياة. القلب؟ القلب غير عضو كيدق… كيتأثر، آه، ولكن ماشي هو اللي كيتخذ القرار، ماشي هو اللي كيخطط، ماشي هو اللي كيعقل. الحقيقة هي أن الحب كيتولد فالعقل، وكينمو فالعقل، وكيتربى فالعقل. والدين حتى هو ماشي شعور داخلي غامض، راه وعي، فكر، إيمان ناضج كيتحكم فيه العقل، وتتغدّى به الروح. أما الحزن والاكتئاب؟ راه ماشي دمعة ولا وخزة فالقلب.

راه عاصفة فالعقل، وظلام فالأفكار، وثقل فالنفس. اللي جرب الحزن الحقيقي، كيعرف أنه كيدمر التفكير، وكيوصل الإنسان ليفقد الإحساس بالحياة، وممكن يوصل حتى للانهيار، ماشي غير يقلق شوية. الناس اللي كيبسطو هاد الأمور، وكيقولو: براكة، دير الإيمان فقلبك، ولا حب من قلبك، ولا ما تحزنش، راك قوي…

راهم ما فهموش المعنى الحقيقي ديال المشاعر ولا العقل البشري. أنا كنقولها وبكل وعي: الحب، الدين، الحزن، الفرح، كلهم يبداو من العقل، يتشكلو فالعقل، ويعيشو فالنفس. والقلب؟ راه غير ضيف…

كيتأثر، ولكن ماشي هو الأصل. خليونا نفيقو، نعرفو نفكرو، ونفهمو راسنا بعمق. الوعي هو اللي كينقذ الإنسان، ماشي الأوهام ديال القلب كلشي.