الوعود الانتخابية الكاذبة هي أكبر عملية نصب قانوني في السياسة.

جريدة البديل السياسي 

الوعود الانتخابية الكاذبة هي أكبر عملية نصب قانوني في السياسة.

يجي المرشح قبل الانتخابات، يلبس جلابة بيضاء، يزور السوق، يشرب أتاي مع الناس، ويقول:

“سنوفر الشغل للشباب، سنصلح المستشفى، سنبني الطرق، سنقضي على الفساد في 6 أشهر”

ومن بعد ما ينجح؟ يبدل النمرة، يسد البيرو، ويمشي للرباط.

لماذا يكذبون علينا بنفس الوعود كل مرة؟

1. لأنها سهلة البيع: من السهل تقول “سأوفر 10 آلاف منصب شغل” بدل ما تشرح كيفاش. الناس المقهورة بغات تسمع الأمل، مش الخطة.
2. لأن الذاكرة قصيرة: لا أحد يحاسب. نفس الحزب يوعد بنفس الطريق من والى والناس تنسى.
3. لأن القانون لا يعاقب: في المغرب وفي أغلب الدول العربية، الوعد الانتخابي ليس عقد ملزم. تقدر توعد ببناء مستشفى ، وإذا ما درتيهش، لا أحد سيتابعك قضائيا.

كيف تعرف الوعد الكاذب من أول جملة؟

احفظ هذه 3 علامات:

الوعد الفضفاض: “سنحارب الفقر” – كيفاش؟ فين؟ بشنو الميزانية؟ إذا ما كاينش رقم وتاريخ، راه كذوب.

الوعد المستحيل: “سأحل مشكل البطالة في عام واحد” – هذا كذاب، حتى رئيس أمريكا ما يقدرش.

الوعد اللي ماشي من اختصاصه: مرشح يوعدك بزيادة الأجور و إصلاح التعليم الوطني… وهو أصلا معندوش هاد الصلاحيات، هادي اختصاص الحكومة.

الانتخابات ماشي موسم الوعود، الانتخابات موسم المحاسبة. سول المرشح: شنو درتي من قبل؟ ماشي شنو غادي تدير..