بقلم بديعة شمس – جريدة البديل السياسي
لـم اكن اعلم ان للحــــزن روح
وفم محمل بكلام صامت
وشفاها نثرت رجاءها للريح
مدينة تقبع فوق انقاضها بعدما وضعت حملها المجهض ….
تحصي اجنتها الخدج الذين
باغتهم الدمار دون إنذار….
الحزن يعلم أن الذين يبكيهم
لم يكونوا مجرد أرقام….
* “روح الروح هيدي روح الروح”
“اسمه يوسف 7 سنين شعره كيرلي وأبيضاني وحلو.. بدي يوسف يابابا”
“كان يصرخ عليّ يا كمال يا كمال!
كان عايش والله.. بدي أبوسه”.
” الولاد وين؟ الولاد ماتوا بدون ماياكلوا يشهد عليا الله”
“قوم ارضع حبيبي.. قوم..”
“بدي شعرة منه.. شعرة واحدة بس قبل م تد.فنوه ”
“كنت نايم!”
“يا عمـــااار.. حاسس فيني؟ مش راح أمشي قبل م تطلع من تحت الر.دم بستنى ليوم ليومين لسنة لحتى تطلع”
“والله بنتي عروسة استــ ـشهـ ـدت، عرسها كان الجمعة الـ فاتت والله م رجعنا فستان العرس لصاحبه”!
” والله عروسة حامل شهرين”
“السبعة مع أمهم.. السبعة مع أمهم”
“ثانية بس ثانية واحدة سبت ايدي ليش.. ياريتني مت معك.. سبتيني لمين!”
“ياعالم جيبولي بنتي”
“ياجماعة زوجي استـ. ـشهد استـ شـ ـهيد أبوكي”.
” أربعين سنة بشتغل عشان أبني الدار.. راحت، فدا فلســطين”
“كنت ناوي أعملها عيد ميلاد..”
“ياريتني أنا أروح عند أبوي كمان”
ياريتني متت مع امي
“ماتعيطش يازلمة.. كلنا شـ. ـهداء، كلنا مشاريع شـ.ـهـداء”
“فدا الأقصـ.ـى يمّا فدا الأقصـى”
“ماتخافش يابا أنا كويس يابا..”
“قلبي انقط-ع عليكي يا أختي.. العـ. ـرب وينهم، المسـ. ـلمين وينهم؟”
“بيكفي ياعالم بيكفي”
“حطي قلبك على قلبي يمّا.. حس فيكي يمّا”
“والله ما احنا منهزين”
“هذه مرح بتحب الرسم كانت، وهذه بيسان الدكتورة..”
“رايح أدف.ن أبويا بسيارتي..”
“ياعمو وديني ع ماما.. بدي ماما”
“إيش عملتلهم هالبنت الصغيرة؟ عشرين سنة نفسه يخلف.. قعدت شهرين وراحت! ”
” عمر أحكي بسم الله، حبيبي سامعني قول ورايا أشهد أن لا إله إلا الله.. علّي صوتك حبيبي”
“أخواتي أخواتي .. ما فيني شي بدي أخواتي”
“بتن.تقموا منا بالاولاد …..معلش”
“دارنا راحت وين بدنا نقعد؟!”
“ماضلش مكان نشـ. ـرد.. وين بدنا نشـ. ـرد؟ ماضلش مكان نسكن فيه”.
عمو عايزة أسألك سؤال وجاوبني عليه:ده حلم ام حقيقة
-” ولا مرة
كان أي منهم رقماً ،
كان
لكلٍّ منهم بيتٌ
وقصة
وعائلة
وحلمٌ
وذاكرة
..وقَلب”.
مزقه المغتصب دون رحمة…
تذكروا جيدا هذا الصراخ
*ودم عة* غزة الجريحة
وانتم نائمون تحلمون بالكراسي…
تعليقات
0