عينيك يا عينيك….الشاعرۃ نزیھة مشیش

الشاعرۃ نزیھة مشیش- جريدة البديل السياسي

عينيك يا عينيك.

عينيك قالوا اكلام

ما احتاجوا فيه لسان

ما اسْحَقُّوا ليه اقلام

عينيك نطقوا

للسان سبقوا

اشحال قدك تخبي يا فلان

عينيك قتالة

اخناجر بدمها مزالة

كي تخزري فالنوالة

تصير فلمح العين

اقصور بميكتها مازالة

اتقارع فنظرة العين

تحن اعليها كل فين أو فين

تخبرها اكلام

يلَبَّسْ ضحتكها تخمام

يلبس انهارها عباية كحلة

يخلى الشمس تتحزم بالظلام

عينيك قصة اطويلة۰۰

عينيك اقصيدة اعليلة

حكايتنا ابدات

تجمعوا صبيان ،

ارجال و اعيالات

كان يا مكان

في قديم الزمان

سلطان

فمو في عينيه

لي آمر بيها

فالحين

تكون ليه

لكن

واحد النهار

اتفقوا اشلاغم لقبيلة

كيفاه نرضوا بيه سلطان

أو حرفو عمرو ما اسمعناه

لعين ما اندارت للهدرة

اخلقها ربي غير للنظرة

ادواها اكحُل

أؤ زينها احرش الشفرة

ابغينا سلطان يكلمنا!

إلى سار ؤ اغلطنا

بغوتة وحدة يلجمنا

سلطانا وصلو لخبر

اجمع لقبيلة بقلب لقصر

زعفان!!

فمو ما ادوا

ؤ عينيه

كانت تكسر لحجر!

نطقات العين ؤ قالت:

ما كان ما اصدق من اكلام لعيون

ما تعرف تكذب

ولا تخبي السر المكنون

و ماليوم

لي احصل فيكم

يتكلم بلسانو

واخا يكون مجنون

رايح يتعلق منو …

حتى تترجاني اعيونو

ؤُ تصرخ:

يا سلطانا لا دير اعليه!

لسانو سابقو

عفاك اغفر ليه

اللسان ما فيه اعظم

لا دير اعليه..

حكايتي امشات امعا الواد

و أنا..

الشاعرۃ نزیھة مشیش