حشموا شويش : كيفاش نتا “مسؤول فالدولة ” ومكتحتارمشي القانون , وسيارة فيها M روج أو ج كتدير بيها مابغيتي ؟

رشيد كداح / مع الحدث –  جرسدة البديل السياسي 

حشموا شويش : كيفاش نتا “مسؤول فالدولة ” ومكتحتارمشي القانون ,  وسيارة فيها M روج أو  ج كتدير بيها مابغيتي ؟

رشيد كداح / مع الحدث

حشوما وعيب وعار أننا نشوفوا تصرفات وسلوكيات بحال هكا فالشارع العام وفالطريق الرئيسية ، تقطع الطريق على المارة ، تبلاصي الطوموبيل فالباساج تقتحم الأنتيردي  ، تمشي تمارس فعل التسوق وتقدا من المارشي وتدي سيارة الخدمة السبت و الأحد للنزهة وخارج أوقات العمل وزيييد .

خاصك تعرف أن هاديك اللي راكب عليها سواء كنتي معين أو منتخب أو مسؤول فشي قطاع أو مديرية راه خارجا من ” المال العام”  وتعطاتك من أجل الخدمة SERVICE لا غير   أي قضاء مصالح المواطنين .

كيفاش وزير الداخلية دار مذكرة فيها الترشيد والعقلانية وحسن التدبير د هاد ” سيارات الدولة”  وأحنا اليوم كنشوفوا العكس  إستغلالها في غير محلها ؟

على الأقل إحترام قرار ” وزير الداخلية” حتا إلا مكانشي هاد المسؤول ما كيتسوقشي للمواطنين وماحاسشي بالرقابة د الصحافة و المجتمع المدني والحقوقي عاد نهضرو على الضمير المهني أو المازوط فابور  راه كاين فعلا اللي عندوا علاش يحشم وكاين اللي ماعندو ضمير .

*مقال غير موجه لشخص معين و إنما لغرض تسليط  الضوء على هذه التصرفات*