جريدة البديل السياسي – بقلم الشاعرة نزيهة مشيش
لله يا هذاك
لا تحاول تقراني
صياد النعام
يلكاها يلكاها
ولي حوس اعلى ابلايا
رد بالك
يلكاني يلكاني
ولد لقبيلة يانا
ماني براني
انسى الهم ينساك
قالوها ناس ازمان
اعلاش الهم انسيتو
ؤ هو ولد الذين ما اقدر ينساني!
البس قدك يواتيك
تا هاذي قالوها
ؤ البست توب الراحة
ظنيتو واتاني
غطا اجروحي
درك امحاني
لقيتو كامل امخرك
كدام لعدا عرا سيكاني!
يا الهايم بين لسطور
لا تحاول تقراني
اكتاب مفتوح
أييه
لكن
احروفو مطرزة امعاني
ما يذوقها غير لي حالو كي حالي
تشابهت ليام
شاب الراس اكبل الوقت تخمام
تعليت ولا ادوا داواني
وليت كيف البوهالي
نسارى حافي في ادروب لمعاني
موجة تديني ؤ موجة اتردني
ؤ لي ما ذاق حر الزمان
ماهو قادر يفهم اقوالي
لله يا هاداك
لله يا هاديك
لاش لاحكني
ادخل سوق راسك
بالاك
بالاك تا تما غادي تلكاني!
الشاعرة نزيهة مشيش
تعليقات
0